monumenta.ch > Plinius > sectio 99
Word Selection for Searching
Report an Error in this Sectio
Plinius, Naturalis Historia, 34, 99
{XXI} Aera extersa robiginem celerius trahunt quam neglecta, nisi oleo perunguantur. servari ea optime in liquida pice tradunt. usus aeris ad perpetuitatem monimentorum iam pridem tralatus est tabulis aereis, in quibus publicae constitutiones inciduntur.